അവഗണനകളെ അതിജീവിച്ച മതമൈത്രിയുടെ ചരിത്രം

പഴയ കൊച്ചിനാട്ടുരാജ്യത്തിന്റെ വടക്കുപടിഞ്ഞാറൻ അതിർത്തിയിൽ സ്ഥിതി ചെയ്തിരുന്നതും മൂന്ന് ഭാഗവും ജലാശയങ്ങളാൽ ബന്ധിക്കപ്പെട്ട (പെനിസുല) ഒരു പ്രദേശമായിരുന്നു കാട്ടകാമ്പാൽ ഗ്രാമം. ഈ ഒരൊറ്റ കാരണത്താൽ അക്കാലത്ത് ഈ പ്രദേശം പൂർണ്ണമായും എല്ലാ മേഖലകളിലും അവഗണിക്കപ്പെട്ടുകിടന്നിരുന്നു.

നാടുവാഴി ദുഷ്പ്രഭുത്വത്തിനെതിരെയുള്ള രോഷപ്രകടനത്തിന്റെ പ്രതീകമായിരുന്നു സ്വാതന്ത്ര്യസമര കാലത്ത് രൂപംകൊണ്ട ഖിലാഫത്തു പ്രസ്ഥാനം. ഇതിനെ വർഗ്ഗീയവൽക്കരിക്കുന്നതിന് ശ്രമം നടന്നിരുന്ന കാലഘട്ടത്തിൽ പോലും മതമൈത്രിയുടെ ദീപം അണയാതെ കാത്തുസൂക്ഷിക്കുവാൻ ഇവിടുത്തെ ജനങ്ങൾക്ക് കഴിഞ്ഞിരുന്നു.